| फेडरेशनच्या संदर्भात माहिती |
| |
इ सभा |
| इ.१.१ सर्वसाधारण सभा |
- महाराष्ट्र सहकारी संस्था अधिनियम १९६० व त्या खालील तयार केलेले नियम यांचे अधीन राहून संस्थेचे व्यवहाराबाबतचे सर्व अधिकार सर्वसाधारण सभेकडे राहतील.
- सर्वसाधारण सभा दोन प्रकारच्या असतील.
१) वार्षिक सर्वसाधारण सभा (२) विशेष सर्वसाधारण सभा.
- ज्या त्या वेळी अंमलात असलेल्या नियमानुसार संस्थेचे वर्षाचे हिशोब पूर्ण करण्यासाठी नेमलेल्या तारखेनंतर येणाऱया पुढील तीन महिन्याच्या कालावधीच्या आत संस्था आपल्या सभासदांची एक सर्वसाधारण सभा बोलावील.
- विशेष सर्वसाधारण सभा खालील परिस्थितीत बोलविण्यात येईल.
- अध्यक्षास अगर संचालक मंडळाचे बहुमताने अशी सभा केव्हांही बोलविता येईल.
- संस्थेच्या सभासदांपैकी १/५ किंवा १०० सभासद यापैकी जी संख्या जास्त असेल एवढया सभासदांनी लेखी मागणी केल्यास.
- कलम ७६ नुसार निबंधकाने सूचना केली असल्यास.
- संघीय संस्थेच्या संचालक मंडळाने सूचना केली असल्यास वरील ब, क व ड नुसार बोलवावयाची सभा अशा तऱहेने मागणी सूचना प्राप्त झाल्यापासून तीन महिन्याच्या आत बोलविण्यात येईल. अशी सभा सात दिवसांच्या नोटीसीने बोलविता येईल.
|
|
| इ.१.२ वार्षिक सर्वसाधारण सभेची कामे |
|
| वार्षिक सर्वसाधारण सभेची कामे खालीलप्रमाणे असतील. |
- मागील वार्षिक सर्वसाधारण तसेच विशेष सर्वसाधारण सभेची इतिवृत्ते वाचणे व कायम करणे.
- संस्थेचा ताळेबंद, नफा-तोटयाचा हिशेब, लेखापरिक्षण अहवाल व समितीचा अहवाल यास मान्यता देणे.
- संचालक मंडळाने सुचविलेल्या उपविधी दुरुस्तीस मंजूरी देणे.
- नफा वाटणी मंजूर करणे व लाभांष जाहीर करणे.
- आवश्यक असल्यास अंतर्गत हिशोब तपासणीसाठी योग्य त्या पात्रतेच्या अंतर्गत लेखापरिक्षकाची नेमणूक करणे.
- वार्षिक अंदाजपत्रक संमत करणे.
- संचालक मंडळाची निवडणूक झाली असल्यास निवडून आलेल्या संचालकांची नांवे जाहीर करणे.
- पुढील वर्षासाठी बाहेरील कर्ज मर्यादा निश्चित करणे.
- सभासद हकालपट्टी बाबत निर्णय करणे.
- अध्यक्षांच्या परवानगीने येणारे इतर विषय.
|
| टिप : वार्षिक सर्वसाधारण सभेच्या तारखेपूर्वी तीन दिवस आधी सभासदांकडून संस्थेच्या सर्वसाधारण कामकाजासंबंधी प्राप्त झालेल्या विषयावर विचार करणे, मात्र असे विषय उपविधी सुधारणा व सभासद करण्यासंबंधीचा विषय नसावा. |
|
| इ. १.३ विशेष सर्वसाधारण सभेची कामे |
|
| विशेष सर्वसाधारण सभेच्या नोटीसीमध्ये अंतर्भूत असलेल्या विषयापुरतेच विशेष सर्वसाधारण सभेचे कामकाज राहील. |
|
| इ.१.४ ठराव |
|
| ज्या विषयाबाबत अधिनियम, नियम व उपविधीत विशिष्ट तरतूदी असतील असे विषय वगळता इतर बाबतीत ठराव मंजूर करताना हात वर करुन मताधिक्य अजमावले जाईल. एखाद्या सभासदानी गुप्त मतदानांची मागणी केली तर त्याप्रमाणे त्वरीत मतदान सभाध्यक्षांच्या मार्गदर्शनाखाली घेण्यात येईल. अध्यक्ष मतमोजणीचा निकाल जाहीर करील. |
|
| इ.१.५ इतिवृत्त |
|
| सर्वसाधारण सभेचे इतिवृत्त सरव्यवस्थापक/महाव्यवस्थापक/व्यवस्थापक यांनी सर्वसाधारण सभा झाल्यापासून एक महिन्याच्या आत लिहीले पाहिजे. आणि त्यासाठी इतिवृत्त नोंद वहीमध्ये नोंदवून अध्यक्षांची स्वाक्षरी घेतली पाहिजे. |
| |
|
| |
