| फेडरेशनच्या संदर्भात माहिती |
| |
| ह दफ्तर व हिशोब |
| ह.१.१ दफ्तर व हिशोब |
|
| महाराष्ट्र सहकारी संस्था नियम १९६१ चा नियम ६५ मध्ये विहीत केल्याप्रमाणे ठेवावयाच्या वह्या पुस्तके व नोंद वह्याखेरीज संचालक मंडळाला आवश्यक वाटेल तशा किंवा निबंधकाने आदेश दिल्याप्रमाणे किंवा संस्थेच्या हिशोब तपासणीसांनी शिफारस केल्याप्रमाणे इतर नोंद वह्या हिशोबाच्या वह्या व खाते वह्या ठेवण्यात येतील. |
|
| ह.१.२ वैधानिक लेखापरिक्षण |
|
| महाराष्ट्र सहकारी संस्था १९६० चे कलम ८१ नुसार नेमलेल्या लेखापरिक्षकांकडून लेखापरिक्षण करुन घेण्यात येईल. |
|
| ह.१.३ फेडरेशनचा मोहर (सील) |
|
| फेडरेशनचे मोहर (सील) तयार करण्यात येईल व तो सरव्यवस्थापक/महाव्यवस्थापक/व्यवस्थापक/मानद सचिव यांच्या ताब्यात राहील. सदरहू मोहर (सील) एका संचालकाच्या उपस्थितीत संचालक मंडळाच्या ठरावाप्रमाणे वापरतील. |
|
| ह.1.4 उपविधी दुरुस्ती |
- महाराष्ट्र सहकारी संस्था अधिनियम १९६० चे कलम १३ व महाराष्ट्र सहकारी संस्था नियम १९६१ चा नियम १२ मध्ये दाखविलेल्या कार्यपद्धतीनुसार उपविधीत कोणताही बदल करता येईल. रद्द करतो येईल किंवा त्याऐवजी नवी उपविधी स्विकारता येईल.
- वरील (१) प्रमाणे मंजूर झालेल्या उपविधीची अंमलबजावणी नोंदणी अधिकाऱयाची लेखी मंजूरी मिळाल्याचे तारखेपासून होईल.
- उपविधी दुरुस्तीबाबतच्या सभेची नोटीस १४ दिवसा अगोदर सभासदांना पाठविली पाहिजे.
|
|
| ह.१.५ रोख शिल्लक |
|
| संस्थेच्या दैनंिश कामकाजासाठी व्यवस्थापक समितीने ठरविलेल्या मर्यादेपर्यंत रोख रक्कम ठेवता येईल याची जबाबदारी संचालक मंडळाच्या ठरावानुसार निश्चित करेल. रोख रक्कमेची नोंदवही ठेवली जाईल. व त्यावर अध्यक्ष/मानद सचिव यांची सही घेतली पाहिजे. रोख शिल्लकेसाठी अधिकृत व्यक्ती/अध्यक्ष व मानद सचिवांसह संयुक्तरित्या जबाबदार राहतील. फेडरेशनच्या दैनंदिन कामकाजासाठी नियम १०७ क मधील तरतूदीप्रमाणे यामध्ये जी रक्कम कमी असेल त्या मर्यादेपर्यंत रोख रक्कम ठेवता येईल. |
|
| ह.१.६ फेडरेशनचे कामकाज गुंडाळणे |
|
फेडरेशनचे व्यवहार बंद करणेचे वेळी फेडरेशनच्या अधिकृत मालमत्तेची विभागणी, महाराष्ट्र सहकारी संस्था अधिनियम १९६० चे कलम ११० व महाराष्ट्र सहकारी संस्था नियम १९६१ चा नियम ९० च्या तरतूदीस अनुसरुन केली जाईल.बृहन्मुंबई नागरी सहकारी पतसंस्था फेडरेशन हे नियमीतपणे पतसंस्थांमधील पदाधिकारी, संचालक आणि कर्मचारी यांना शिक्षण-प्रशिक्षण देत असते. फेडरेशन पतसंस्था परिवार हे सन २००० रोजी फेडरेशनचे अध्यक्ष मा. श्री.शिवाजीराव नलावडे - संपादक असलेले मासिक प्रति महिना प्रसिध्द करीत असते. या पतसंस्था परिवारचा अंक प्रामुख्याने मुंबईतील पतसंस्थांना गेली ११ वर्षांपासून प्रति महिना नियमीतपणे उपलब्ध करून दिला जातो. या पतसंस्था परिवार मासिकामध्ये शासनाचे व सहकार खात्याचे वेळोवेळी प्रसिध्द होणारे जी.आर, परिपत्रके व विविध माहिती सभासदांपर्यंत पोहोचविण्याचे काम फेडरेशन करीत असते. प्रत्येक शनिवारी सकाळी ११ ते सायं. ५ पर्यंत सभासद पतसंस्थांच्या थकबाकीदारांची वसुलीसाठीचे मार्गदर्शन केंद्र सुध्दा फेडरेशन चालविते. फेडरेशनकडे ३१ मार्च २०११ अखेर एकूण ३ एसआरओ असून सभासद संस्थांना याचा थकबाकी वसुल होणेकामी उपयोग करून दिला जातो. फेडरेशनचे एकूण २९ संचालकांची संख्या असून कार्यकारी समिती, शिक्षण-प्रशिक्षण समिती इत्यादी समित्यांमार्फत कामकाज चालविले जाते. तसेच मुंबई एकूण २० को-ऑप. वॉर्ड व ३ जिल्हे असल्यामुळे वॉर्ड व जिल्हास्तरावर सुध्दा समित्यांमार्फत सेवा पुरविण्याचे काम सुध्दा फेडरेशन करते.
फेडरेशनने पतसंस्था परिवार या मासिकाबरोबरच खालिल पुस्तके प्रकाशित केली आहेत.
- महाराष्ट्र सहकारी संस्था अधिनियम १९६० व महाराष्ट्र सहकारी संस्था नियम १९६१(२६-१-१९६२ पासून लागू - प्रथम आवृत्ती)
- महाराष्ट्र सहकारी संस्था अधिनियम १९६० व महाराष्ट्र सहकारी संस्था नियम १९६१(महाराष्ट्र विनिर्दिष्ट सह. संस्थांच्या समित्यांवरील निवडणुका नियम, १९७१ - द्वितीय आवृत्ती)
- नागरी सहकारी पतसंस्थांचे ६०० गुणांचे लेखापरीक्षण निकष ‘अ’, ‘ब’, ‘क’, ‘ड’
- सहकारी संस्थांची वसुली, वसुली व विक्री अधिकारी
- सहकारी संस्थांच्या थकीत कर्ज वसुलीसाठी नेमके काय करावे?
|
| व आत्ता पतसंस्थांमधील थकबाकीला आळा बसविण्यासाठी कायद्याप्रमाणे थकबाकीदार म्हणून जाहिर झालेल्या थकबाकीदार व त्यांच्या जामिनदारांची नावे व इतर माहिती www.mahasahakar.com च्या वेबसाईटद्वारे सभासदांसाठी उपलब्ध करून देण्यात येण्याचे कामकाज दि. --------- रोजी फेडरेशनने चालू केले आहे. आणि यासाठी प्रथम मुंबईतील पतसंस्थांना समाविष्ट करून घेऊन याची व्याप्ती संपुर्ण राज्यभर करण्याचा मानस फेडरेशनचा आहे. त्यामुळे फेडरेशनची सभासद पतसंस्था फेडरेशनच्या ह्या वेबसाईटसाठी नोंदणी झाल्यानंतर त्या पतसंस्थेला त्यांचेकडील सहकार कायद्याच्या कलम ९१ व १०१ नुसार प्राप्त झालेले अॅवॉर्डच्या वेबसाईटमार्फत इतर सर्वांना माहिती करून घेता येतील. त्यामुळे संबंधित थकबाकीदार व त्यांचे जामिनदार यांची नावे व त्यांनी केलेल्या थकबाकीच्या रकमा आपोआप सर्वांना माहित होणार आहेत. आणि त्या थकीत रकमा भरल्याशिवाय त्यांना कुठलीच पतसंस्था कर्ज देऊ शकणार नाही. कारण ज्यांचे यापुर्वी कुठल्याही पतसंस्थेत थकबाकीदार असल्याचे जाहिर झाले आहे, त्यांना दुसरी पतसंस्था कर्ज देण्याचा प्रश्नच उद्भवत नाही असे चित्र तयार होणार आहे. यासाठी www.mahasahakar.com ही वेबसाईट पतसंस्थांच्या थकबाकीसाठी संजिवनी ठरणार आहे. |
| |
|
| |
|
| |
